«Яхьа хьалхарча даькъ тӏа дукха бар дакъа лаца безам бараш. Россе моттигашкара 200 дехар дар хьакхаьчараш, цу юкъе гойтар 850 совгӏа болх. Цо чӏоагӏду Сийлахь-йоккхача Коталон тема лакха терко еш хилар; цунца цхьана, вай мехка тайп-тайпарча моттигашка бахача наьха, исторически дагалоаттам лорабеча шоашкара дакъа лаца безам хилар. Лакха балха говзал йолча кхело дакъа лоацаш, дӏахьош бар из болх, цу юкъебоагӏар А.Н. Колобанов- культуран, спорта, туризма Депортамента къаман политикан, иштта Россе Паччахьалкхен къаман политикан отдела кулгалхо; М.В. Русанова - В.Д. Поленова цӏерагӏча ГРДНТ ЦКНР кулгалхочун хьалхара заместитель, Россе цӏихеза культуран болхло; Иванов Д.Н.- Россе суртанчий Союза председатель, ГРДНТ суртитй искусствон говзанча; Е.А. Комарова - Пущино оалача шахьара «Вертикаль» ЦКР МБУК гойтама балха отдела кулгалхо, Россе суртанчий Союза секретарь. Вай суртанчий лакха толам хиларо дерригаш а гӏаддигар», - аьлар «Сердало» газетага Гӏалгӏайчен халкъа кхоллама, дуккхача наха дакъа лоацача культуран кхетачений Республикански Цӏен кулгалхочун гӏончас, республикан культуран цӏихезача болхлочо Котанаькъан Марема.

РДНТ цӏерагӏа викал йолча Цисканаькъан Надина яхьан балхаца белгалдаьлар цун кхоллама сийрда оагӏув хилар. Надин болх беш я кхы а «Сердало» газета видеостуде, газет дешача наха цун болх дика бовзаш ба. Иштта ший болх лакхача боарам тӏа гойтар Яндарерча культуран Цӏагӏа болх беш йолча Йовлой Мадинас. Цар шинне а балхаш лакха боарам болаш лаьрхӏар кхело, из лоархӏаме да царна шоашта санна, ерригача Гӏалгӏайчен культуран вахара а.

Цисканаькъан Надина, Йовлой Мадинас яьккха котало; цар начӏал хилар гойташ, иштта Россе дукхача къамий культуран-исторически тӏехьале дегӏайоалаеча лоархӏаме дакъа лоацаш хилар чӏоагӏдеш да.