Белгалъяь латта бокъонаш ца лархӏар

Боаггӏача боараме болх дӏацабахьара духьала, гӏулакх хьадийллар 2026-ча шерарча хана. Гӏалатло гойта моттиг – ПАО «Къилбаседа Кавказа Россеташ» «Ингушэнерго» филиал). Токаца эшаш бола гӏирс оттабаьб цар вахархочунга цхьаккха хӏама ца хоатташ, цу тӏа хьатеха хиннад 446 106, 44 кхоачаш ахча. Из да 1-ча оагӏон 1-ча даькъа 10-гӏа статья толхаяр. Яхь (конкуренци) лелаярах дола Закон лорадаьдац.

Регионера цу оагӏонцара хӏама лорадар

УФАСа дикка къахьийгад мехкарча цхьацца болх дӏахьоча моттигашта тӏехьа гӏалаташ, кхоачамбоацараш нийслургдоацаш. Наьсарен кхален администраценна реклама йоаржаеча улгашкарча балха тӏагӏолла де дезараш хьалхадоахаш 24 моттиг хилар. ( 8-гӏа оагӏув,1-ча даькъа 15-гӏа ст. Ший хӏама лорадарах йола бокъо). Белгалде деза, 2025-ча шерарча хана паччахьалкхен доалахьарча хӏаман тӏагӏолла пхе тайпара кхоачамбоацараш теркалдаьлга. Царна тӏагӏолла хьадийлла, тохкам дӏахьош гӏулакхаш а хиннад. Иштта УФАСа болхлоша аргӏанара, аргӏанца боаца болх дӏахьош тохкам бир мехкарча лаьттан доазоний, доалахьарча хӏамай гӏулакхех йолча министерстве, иштта «Атлас» ГУРе. Шоай гӏулакх боаггӏача боараме дӏацадахьарах шин оагӏонца гӏалатбаьлар уж. Царех цхьа гӏулакх наха шоай базарца къоастаяь йола белгало увттаеш басар дехкача бизнесменаца дувзаденна дар. Из хӏама леладеш хиннача цо хӏама эцараш тувлбаьб из басар хьадаьр бокъонцахьа малагӏа моттиг я ца хайташ. (14.2 ст).

Рекламах йола бокъо лораяра тӏахьожам лоаттабар

Рекламацара Федеральни бокъо толхаярах долча шин гӏулакха духьала болх дӏабихьар 2026-ча шера. Цхьа гӏулакх хьадийллар хьаӏайна латта декхар ахчах тӏера дӏадоаккхаргда, яхаш, реклама еш хиннача бизнесмена духьала. «Тӏера дӏадаккха хьай декхар. Федеральни бокъонга - 127 диллача хьо из де йиш йолаш ва» яха реклам духхьала нах тӏаозаш марая яц, хӏана аьлча, сага ший фу де деза ховргдолаш деррига чулаьца, дикка доаржадеш хила еза лертӏа еш йола реклам. Рекламах йола бокъо йохаеш да из гӏулакх 7-ча даькъа 5-ча ст. диллача. Шоллагӏа гӏулакх хьадийллад VPN йоаржаеш реклама яьча блогера духьала, хӏана аьлча царцара болх Российски Федераце бокъонга гӏолла соцабаь ба. Рекламах йолча бокъон 10.8-ча даькъа 5-гӏа ст. гӏолла бехктокхаме озаш да из. 2025-ча шерарча хана «ЭлектроN официальный дистрибьютер TDM ELECTRӏC. Лучший кабель по лучшим ценам» яха баннер хьалтехача сага духьала гӏулакх хьадийлла, нийсденна кхоачамбоацараш юстардаха, аьнна, тӏадиллар УФАСа.

Контрактий оагӏонах (№44-ФЗ) бола Паччахьалкхен тӏахьожам

Контрактий оагӏонца дувзаденнача гӏулакхех нах леткъаш хинна 13 моттиг тохкаш, болх дӏахьош хилар 2026-ча шера. Царех 9 бокъо йолаш хилар, 4 моттиг – бокъо йоацаш. Ийс тайпара хӏама хьачуийцача балхацара 27 кхоачамбоацар теркалдир. Иштта цхьацца хӏама эцаш хиннача балха гӏулакх тохкаш 6 аргӏанара боаца тохкам дӏабихьар мехка. Цу оагӏонцара бокъо йохаеш дола 7 тайпара кхоачамбоацараш теркалдир УФАСа. 2025-ча шерарча хана, нах леткъа хиннача 7 оагӏонга гӏолла болх дӏахьош хилар мехка, царех 4 моттиг бокъо йолаш хиннилга белгалдир, 6 моттиг кхоачамбоацараш долаш яр. 12 тайпара аргӏанара доаца тохкамаш дӏадихьар, 69 кхоачамбоацар гучадоаккхаш.

Контрактни гӏулакха керттера кхоачамбоацараш

Цу оагӏонцарча балхаца эггара дукхагӏа нийслуш дола кхоачамбоацараш мехкал арахьарча моттигашкара хӏама хьачуэцача нийслуш да. Цу оагӏонцарча бокъон 14-ча ст. гӏолла. 2026-гӏа шу доладелча денз, 126843 сома административни оагӏонца бехктокхаме озаш 30 гӏулакх къоастадаьд УФАСа болхлоша. 2025-гӏа шу доладеннача хана, 2 030 000 сома бехктокхаме озаш, 57 гӏулакх къоастадаьд цу оагӏонца. Белгалде деза, 2026-гӏа шу доладелча денз, вай мехкарча УФАСа къахьегамхоша дӏабихьар боккха, лоархӏаме болх болга. Цунга гӏолла вай кхетаду, цар керттера декхар мехка боаггӏача боараме бокъонаш лархӏийтарца дувзаденна долга.