Мехка геттара чӏоагӏа мух болаш, ша тохаш догӏаш хила мег, яхаш, кхайкарал деш ба МЧС болхлой
24.08.2026 19:41
Мехкара хаоттам хувцабала тарлуш ба, яхаш, кхайкарал деш ба бахархошка МЧС керттерча оагӏон болхлой. Маьцхали беттацарча 24-ча дийнахьа сайрийна, ялх сахьатагара бархӏ сахьат даллалца, геттара чӏоагӏа догӏаш хила мег республике. «Сердалога» из хоам бера цу моттигера.
Секунда 20-25 метрага кхоачаш мух болаш, ша тохаш, ди детташ, геттара чӏоагӏа догӏаш делха мег мехка.
Республикера хиш айдалар, лоаман моттигашка лаьтта ӏотакхар кхерам болаш хьал да из. МЧС болхлой шоай хӏаман кийчо еш ба.
Бахархошка, хьаьшашка лоралуш хилар, хаоттам геттара хувцабеннача хана ара ца лелар дех МЧС! Моллагӏа хӏама нийсденна болх хуле 112 телефон дӏатоха!
