СВО бӏухошта гӏо ийца бахарашта юкъе ва, Наьсарен мэр Оздой Руслан
24.12.2025 11:56
Украинерча тӏема операце доакъашхошта гӏо ийца бахарашта юкъе ва Наьсарен мэр вола Оздой Руслан. Из хоам «Сердалога» бир администраце зарбан болх лелабераша. «Гӏалгӏайчен хьалхара вице-премьер волча Йовлой Мухьмадаца, иштта кхыболча вай мехкахошца вахар цига шахьара да Оздой Руслан.
Вай мехкадас Келаматанаькъан Махьмуд-ӏаьлас тӏадилла, вӏашагӏтеха яр 27 тонн совгӏа йола хӏамаш», - йоах тхога бенача хоамо.
«Тахан тӏема аренашка лелаш болча бӏухой оагӏув хьаллацар лоархӏаме да вайна. Царна терко яр, уж дагабахкар да из. Вайх хӏаране кхетаде деза, цӏенах къаьста лелача тӏема операце доакъашхошта из чӏоагӏа дезаш хӏама долга, цунга хьежжа массахана цар уйла еш хила деза вай», - аьлар Оздой Руслана.
