Республикера наькъаш тоадара тӏехьа къахьегаш ба Минавтодоре
14.08.2026 16:49
Мехкарча наькъий хьал меттадоаладара тӏехьа, къахьегаш ба тахан наькъий гӏулакхех йолча Министерстве. Карарча хана наькъашкара кӏоагаш дӏадукъаш ба уж.
«Укх кӏира Жӏайрахьа кхален моттигашка болх дӏахьош баьхкар болхлой. Наькъашкара кӏоагаш дӏадикъарал совгӏа, гонахьарча моттигашка лостам беш, наькъаш цӏендеш къахьийгар цар», - йоах «Сердалога» бенача хоамо.
Республикерча наькъий хьал боаггӏача боараме хилийтар, каст-каста арабоалаш кхоачамбоацараш юстардоахаш хилар, лоархӏамеча декхарех да тахан.
Наькъаш лертӏа хилара тӏахьожам лоаттабеш ба мехка кулгалхой.
Вахара-экономически, кхерамзлен оагӏонашца керттерча декхарех да ала йиш я цох, хӏана аьлча наькъаш дика, тоадаь хилча хатараш а кӏезигагӏа хул, дӏа-хьа ухача машинашта а паргӏатагӏа я.
