Миннацо доазол арахьара нах вайцига баха хьаӀомабу кхетаче дӀайихьар
«Риак» 000 болх беш бола кхыча мехкара нах дакъа лоацаш хилар, предприяте дӀахьош хиннача Ӏомабалара кхетачене. Из болх вӀашагӀбеллар яр ГӀалгӀайчен Миннац, цу завода кулгалхошца, Наьсарен кхален полице болхлошца цхьана.
«Риак» предприяте дӀахьош хиннача кхетачене гулвелар 40 совгӀа кхыча паччахьалкхера бахархой. Цу кхетачен керттера маӀан дар, сихагӀа республикан хьаьший моттигерча вахарга бахар. Гулбеннарашта хьалхадаьккхар моттигера вахара оамалаш, культура, Ӏадаташ, дин хьашташ мишта лораде деза. Къахьегама мигранташта ма ярра йовзийтар Россе миграционни бокъонаш, юкъарлонца мишта хила веза. Къаьстта белгалдир кхерамзлен хаттараш, российски законаш лораде дезилга, экстремизма, терроризма хьал доаржадара наькъ тӀа духьале е езилга», - аьлар «Сердало» газетага ГӀалгӀайчен Миннаце.
Кхетаче чакхйоалаш, из болх вӀашагӀбеллараша белгалдир кхыча мехкара баьхкача наха хьалхашка, хӀара денна, балха, вахаре нийслуш дола хаттараш. Кхыча мехкарча наха хьалхадаьккхар Россе миграционни, къахьегама боарам лорабе безаш хилар.
Доакъашхошта кийчдаь бокъонаш тӀайола буклеташ делар, иштта таджикий, узбекий меттала гойтама роликаш йовзийтар.
