Ахархой министерство бӏухошта новкъостал деш я
«Гӏалгӏай Республикан юртбоахама, кхачан Министерствос дӏахо а новкъостал ду бӏухошта. Укх деношка моттигера аргӏанара гуманитарни новкъостал дахьийтар цо, яхаш, дийцар «Сердало» газетага.
«Лаьрххӏача тӏема операце доакъашхошта бахьийтар 27,5 тонн гуманитарни мухь. Из хьалхадаьккхар мехка кулгалхочо Келаматанаькъан Махьмуд-ӏаьлас.
Юртбоахама Министерствос кийчйир царна талхаш доаца кхачан даараш, цу юкъе дар дулхах даь даараш, консерваш, молаш дола хий, чай, кофе, хьоар, шекар, баьцадаараш, сомаш, иштта генератораш. Боахама болхлоша шоаш вӏашагӏтехар гулбеш бола мухь, дӏакхачийтара эшаш дар, цу юкъе дакъа лоацаш хилар моттигера юртбоахама даараш арахецаш бараш», - аьлар хоамо.
«Вай мехкахоша из болам хьалхара хьаллоацаш бац, из ба мехка Кулгалхочо тӏадилла декхар кхоачаш а деш, массахана хьабеш латта болх, республикан еррига агропромышленни комплекс цу лоархӏамеча хаттарашка дакъа лоацаш я», - аьлар Гӏалгӏай Республикан юртбоахама, кхачан министра Гаьгенаькъан Мухьмада.
Из 2025 шера СВО даькъ тӏа хӏанз диазлагӏа дохьийташ дола гуманитарни новкъостал да.
