Спорта Министерство кийчлуш я, Тиймарзанаькъан Ислама хетаяь яхь дӏаяхьа
Гӏалгӏай Республикан физически культуран, спорта Министерство кийчлуш я Ерригроссийски яхь дӏаяхьа 17-18 шу даьннача спортсменашта юкъе, из хетаяь я Россе цӏихезача спорта мастера Тиймарзанаькъан Ислама
«Цу гӏулакха хьалхалаттарий комитето Йовлой Берда цӏерагӏча «Магас» спорта Цӏагӏа кхетаче дӏайихьар, цига дийцар хьатӏайоагӏача спорта яхьашца дувзаденна керттера хаттараш, бе беза болх вӏашагӏбеллар. Из дар судхой тоаба вӏашагӏйоллар, спортсменашта даар кийчдар, царна лаьрхӏа йола моттигаш хьакъоастаяр. Гӏалгӏай Республикан спорта министра гӏончас Султиганаькъан Тӏахӏира тӏахьийхар цу хаттарашта беррига низ тӏабахийтара», - спорта министерстве
Белгалду, хьалха «Сердало» газето яздаьдар, бекарга бетта 20-ча денгара 26-ча денга кхаччалца, «Мужече» яхача Республикан спорта-ӏомабалара центре Тиймарзанаькъан Ислама сийна Ерригроссийски яхьаш дӏахьоргья, аьнна.
