Шолжерча къонача дезала фусам эца сертификат делар
23.12.2025 12:23
«Къона дезал хьаллацара йолча программах, Шолжа-Шахьара цхьаькха цхьан дезала ахчанца таро йир фусам эца, яхаш, дийцар «Сердало» газетага администраце зарбан болх лелабеча Батиганаькъан Хьавас.
«Дукхача ханашка сатийса вахара фусам эцара дола сертификат дӏаделар диъ бера даьна Хамхой ӏаьланна шахьара кулгалхочо ӏумаранаькъан Аслана. Дийтта шу дар из дӏаязваь латта. Хӏанз цун таро я ший фусам хьалъе, ший дукхача дезала цох кхоачам хургболаш», - аьлар хоамо.
Тхога хоам баьчо яхачох, дӏадахача шера цу программанна чудоагӏаш Шолжа -Шахьаре бахача биъ дезала ахчанца новкъостал дир.
Белгалду, «Къона дезал» яха программа - из паччахьалкхено хьаллоацаш я, царна дика, паргӏата бахара фусамаш хьакхоллаш.
