Аьшкá кердача хьисапе лотор де ӏомабаьб вай кагирхой
«Бухь» яхача вахара оагӏонцарча проектага гӏолла, аьшка хӏамашта лотор де, уж вӏаший хотта ӏомабу мехкара кагирхой. Хьалхарча тоабо из болх чакхбаьккхар укх деношка. «Сердалога» из хоам кагирхой гӏулакхех йолча Комитетера бера.
«Цу оагӏонцарча балхацара TӏG, MӏG/MAG, MMA хьисапе лотор ду говзал ӏомаеш хилар кагирхой. Лекцешка дийцар балхаца чӏоагӏдеш къахьийгар цар. Аьшкаца, кӏала хӏамашца болх мишта бе беза дӏахьекхар къонабарашка. «Роскагирхой. Гранташ» яхача яхьаша хьаллоацаш, Наьсаре дӏахьош бар из болх», - дийцар «Сердалога» КДМ.
«Цу курсага гӏолла къонабарашта дайзар тайп-тайпара хӏамаш вӏаший хотташ, лотор деш малагӏа говзал лелае еза. Кагирхошта чӏоагӏа пайдане хургдолаш, хӏама да из», - дийцар кагирхой цхьанкхетарий Цӏенна кулгал деча Ведажанаькъан Зоврбика.
Кастта кердача тоабанца дӏабахьа лерхӏ из болх.
