Кагирхой театра актёраша гӏалатех, доккхача ахчех йола комеди гойтаргья
30-ча шерашкара французий цӏа хьахилар берий театра сценах. Шено Пьера «Могаш хилда шо» яха комеди гойтаргья цига кагирхой театра актёраша.
«Цӏихеза йоазонхо Буасьер Стефан укх дуненцара къаст, шийна тӏехьа шортта рузкъа дуташ. Венначох хи тӏадам баккха кхелехь, цох дисар дӏа-хьа декъа тохалу гаргара нах. Таьзетах боккъонца йола базар хьайий кхаст уж, хӏаравар котвала гӏерташ. Бакъда царна хетар гаьнадалац, геттара чуийнна рузкъа декъаш уж хьувзача хана, веннар цӏаьхха дийнлу. Вӏалла а ца хийттар хьахул цига тӏаккха», - дийцар «Сердалога» кагирхой театре.
Спектакль оттаяь режиссёр Лаьнанаькъан Ахьмад ва. Зангенаькъан Руслана даьча таржамах гӏалгӏай мотт бувцаш хургба пьеса турпалаш. Комедега хьажа венар, дог ӏаббалца сакъердам хинна, дӏагӏоргва цигара.
