«Театра кхоллама бийса» яхача проекте дакъа лоацаргда мехкарча кагирхой театро
26.03.2026 14:17
Дерригача дунен театра ди дездеш хургба кхоана мехкара культуран оагӏонцара болхлой. Шолжа-ӏахьарерча культуран Цӏагӏа «Хьамсара нус» яха спектакль гойтаргья мехкарча паччахьалкхен кагирхой театро.
«Россе театрашка къахьегарий Союза 150 шу дизара хетаяь, «Театра кхоллама бийса» яха болам хьаллоацаш, гойташ я из спектакль. Берригача мехкара театраш вӏашкаозаш, кхоллама берригаш тӏахьехаш бола болх ба из», - дийцар «Сердалога» Кагирхой театре.
«Хьамсара нус» яха вахарера дукха хӏама довзийташ йола спектакль массанена езаеннарех я, дукхача хана денз. Дезала юкъера хӏама боча долаш, лораде дезилга белгалдеш я спектакль къонача тӏехьенна.
