Героин яха «дохьаж» дохка гӏийртар, суда хьалха жоп дала дезаш хургва
16.01.2026 09:58
Героин яха наркотик йохка гӏийртача 19 шу даьннача зуламхочун гӏулакх тохкаш да тахан республикерча прокуратура болхлоша.
«ӏаьдала болхлоша белгалдечох, дӏадахача шера тушоле бетта 100 грамм хиллал болча боарамах героин яха «дохьаж» ийцад цо, юхадохка лаьрхӏа. Бакъда ше лаьрхӏа из бӏеха гӏулакх дӏачакхдаккха аьттув хиланзар цун, полице болхлоша дӏалацарах», - йоах тхога МВД бенача хоамо.
Тахан зуламхо ӏаьдала кара ва. Магаса кхален суде дӏахьожадаьд прокурора цун гӏулакх. Наркомани яхача доккхача зулама духьалара болх ма могга дӏахьош латт тахан мехка. Вай дерригаш духьалъэтта, дохадаь дӏадаккха дезаш дола бӏеха, унзара во да из.
Нах ӏазапе, халчаувттабеш, шоай хӏама тоадеш йолча тоабай никъ хоадабе беза вай, лирача къовсамца.
