Илдарха-Гӏалан кагирхой шахьара вай заман хьалаш хьакхоллара юкъеоз
Илдарха-Гӏалан къона бахархой юкъеоз шахьара хьалаш хьакхоллача балха. «Къамаьл деш, юкъарлон викалаша студенташта довзийт, «Вахара хьалаш тоадар» яхача къаман проекта чудоагӏа доазонаш тоадеча кхадж тассар мел лоархӏаме да.
Гӏалгӏай индустриальни колледжа хӏама довзийтара а дезадалийтара а кхетаче дӏахьош хилар Гӏалгӏайчен МВД Юкъарлон кхела секретарь Амаканаькъан Хьусен, шахьара сийдола вахархо Пхьиленаькъан Амир, республикан кагирхой кхела кулгалхо Барханой Урусхан.
Теркама юкъе яр юкъара доазув тоадарах йола «Шахьара хьалаш вӏашагӏдохкар» яха федеральни проект», - йоах хоамо.
Илдарха-Гӏалан мэре зарбан болх лелабеча Мутаӏаланаькъан Мадинас белгала ма дарра, бархӏ шера таро хилар 48 юкъара доазув тоаде: наькъаш, гӏашлой гӏорчаш, урамашкара сердал, салоӏама моттигаш, МКД ковнаш, спорта майдаш.
