Гӏалгӏайчен яхархо ӏеха а яь, цунгара 33 эзар сом дихьад зуламхочо
Гӏалгӏайчен полице лохаш я, ше гаьна а йолаш, нахагара тийшача балхах ахча доахаш йола зуламхо, яхаш, дийцар «Сердало» газетага моттигерча МВД.
«Наьсарен кхале гӏолла йолча Россе ОМВД ера моттигера яхархо, дехар дахьаш. Цо цу тӏа белгалду, 2026 шера аьтинга бетта 5-ча дийнахьа, «Дикача гӏулакхий блог» яхача «Телеграм» мессенджера оагӏон тӏа, Валерия я со яхача цхьан кхалсага тийшача балхах, ший йоӏ ӏехайир 200 эзар сом ахча даьккхад, аьнна, цу тӏара 33 эзар сом совгӏа ахча шийна дӏадала деза аьлар», - йоах хоамо.
Шоаш из ахча хьаийца баьлча, уж нах мичаб а е малашб а ханзар. ахчан 200 эзар сома маьха совгӏат а хьадаланзар, царна дӏадахьийта ахча а дайра.
Наьсарен кхале гӏолла йолча Россе ОМВД тохкама тоабо цу гӏулакха духьалара уголовни гӏулакх хьадийллад, зуламхой лохо я. Хӏара саг сакхетам болаш хила веза, Интернете гӏолла ӏехалургвоацаш.
