Бокъо йоацаш, цӏен сертификат хьаийца мехкахо бехктокхаме озаргья
23.12.2025 22:56
15,6 млн сом мах бола цӏен сертификат, ӏаьдал ӏехадаь, хьаийца йола кхалсаг бехктокхаме озаргья вай мехка. Из хоам «Сердалога» бир прокуратуран зарбан болх лелабераша.
РФ УК 4-ча даькъа 59.2 оагӏоно дӏадеххача тайпара бехктокхаме озаш я судо зуламхо.
ӏаьдала болхлоша белгалдечох, 7 шу хьалха, Гаьнарча Гӏибухера цӏаена, вахара хьал тоаде дезарех я, аьнна, нийса доаца каьхаташ Миннаца болхлошта духьалдена, 13 дезалхочоа лаьрхӏа 15,6 млн сом мах бола цӏен сертификат хьаийцад цо. Из беррига болх цхьаккха бокъо йоацаш чакхбаьккхаб цо.
Магаса кхален суде тохкаш латт из гӏулакх карарча хана. ӏаьдалгара цо дӏа мел ийца ахча юхахьадаккха оттадаьд прокуратуро.
