«Бӏаьшерий боадонгара» яха спектакль гойта кийчлуш ба эрсий театре
«Бӏаьшерий боадонгара» яхача спектаклага хьажа бех бахархой эрсий паччахьалкхен ашарий-драматически театра актёраша, саькура бетта 17-ча дийнахьа. XӏX-ча бӏаьшерен ханашка вугаш бола болх ба цу драматически истореца гойтар. Цу ханашка баьхача наьха вахара хьал довзаргда театре гулбеннарашта.
«Халача ханашка баьхача вай къаман наьха денош мишта дӏаихад гойташ я спектакль. Бӏаьшерашка денз хьадоагӏаш долча ӏадаташта, оамалашта гонахьа кхесташ да деррига. Цу хана нийслуш хиннача халонашта уж мишта духьалъийттаб гойтаргда вай актёраша», - дийцар «Сердалога» театре.
Сцена тӏа гуш мел дола хӏама, актёрий гӏирсагара дӏаболабенна, тхьоврача атта ца хиннача ханашка вай дугаш да. Из деррига довза безам бараш, тӏабоагӏача бетта 17-ча дийнахьа театре бахка беза.
