Эккажакъонгий-Юртарча хин бурув техача гӏувна кӏалла оттайир
21.01.2026 10:35
Эккажакъонгий-Юртара хица дувзаденна хьал аттача даккхара болх дӏахьош ба, яхаш, хоам бу «Сердало» газетага Гӏалгӏай Республикан Наьсарен кхален администраце.
«Ше-ший аргӏагӏа болх дӏахьош, Наьсарен кхален Эккажакъонгий-Юртара хицара хьал тоадеш латт. Султиганаькъан урамах хий хьатӏадаккха бурув техача доазон тӏа мел эшаш бола болх баь баьннаб, цига тоаяьй хин турбаш, керда кӏалла оттаяьй», - аьлар хоамо.
Хӏанз цу урам тӏа бахача наха а, гонахьарча доазон тӏа а хий лоаттадергда; нагахьа эшаш хуле, ха ца йоаеш, технически гӏулакх а дергда, хий локъадар кӏезигагӏа нийслургда.
