Донорий болам дӏахьоча юкъе, дакъа лаьцар Гӏалгӏайчен 64 сага
Донорий болам дӏахьош бар, «Дикача наьха клубо» вӏашагӏбелла. Цига 64 сага наьха вахар кӏалхардаккхара шоай цӏий дӏаделар.
«Республикан бахархоша дика дакъа лаьцар аргӏанара цӏий дӏадалара бола болам дӏахьош. Вӏалла а малашб ца ховча наха шоай цӏий дӏадала кийча хилар гойтар юкъарлоно. Ганза даьча кхайкарала жоп луш, оарцагӏваьлар 79 саг, бакъда могашал эшаенна хиларах цхьабараш из дӏадала йиш йоацаш хилар. Баркал оалаш хӏара сага доккха доаца совгӏат дир, чай молаш, къамаьла тӏехьа царна терко йир», - аьлар цу боахаме.
Хоза хийтар Республикански цӏий тохара станце нах тӏахьехара говзанча йолча Хамхой Лидайна ноутбук ялар, цо таро лу балха моттигаш сихагӏа, аттагӏа лелае.
Кепайоазонга цар баьча хоамах, карарча шера цар цхьаькха а дика хӏама юкъедаьккхад – «Гӏалгӏайчен донорий гӏала». Автора яхачох, ше цӏий дӏаденна ваьлча хӏара доакъашхочо язъю ший тайпан цӏи, из гӏала тӏа чӏоагӏъю.
