Муцолганаькъан цӏерах болча Наьсарерча урама никъ тоабеш боахк тахан
19.08.2026 10:32
Муцолганаькъан цӏи лелаеча Наьсарерча ураме хувцамаш де арабаьннаб болхлой. Шахьарера наькъаш тоадара болх цахаддаш дӏахьош ба ала йиш я тахан. «Сердалога» из хоам бера Наьсарерча администрацера.
Деррига наькъаш цхьатарра тоаде вӏаштӏехьа цахиларах, эггара хьалха керттерча моттигий хьал меттадоаладеш къахьегаш ба шахьаре.
300 метрага кхоачаш болча наькъ тӏара кӏоагаш дӏадукъаш, лотор деш, чукхийтта моттигаш дӏашаьръеш боахк цига. Жагӏа тесса шаьрбаьча наькъ тӏагӏолла дӏа-хьа аха паргӏатагӏа хургья наха, иштта машинашта.
Нах хӏетта баха ӏохайша моттиг я из. Боккха болх дӏахьош меттадоаладергда урама хьал тӏехьагӏо, хӏаьта тахан, наха кӏеззига аттагӏа хилийта хьожаш, хьалхара балхаш кхоачашдеш ба цига.
