Догӏан хишта лаьрхӏа моттиг тоаеш баьхкар Шолжа-Шахьаре
17.06.2026 09:05
Шолжа-Шахьарерча Хьоашаланаькъан цӏерах болча урамерча догӏан хиш дӏаахийтара къоастаяьча моттиге болх беш хилар цу лостамагӏа къахьегараш.
«Догӏан хиш дӏаухача моттига лакхе аьшка цхарал биллаб, машинаш цу тӏагӏолла тӏех мел ювлача хана, чӏоагӏа тата дора цо. Бахархой массехказа леткъабар из гӏулакх меттадоаладе, яхаш.
Мехкарча цу оагӏонцарча министерствонна тӏадихьар из гӏулакх. Хьабаьхкача болхлоша къаьнарчунна меттел; керда, лертӏа бола аьшка цхарал биллар цу лакхе», - дийцар тха газетага.
Шахьара мэра гӏонча волча Беканаькъан Халида белгалдечох, дукхача хана денз, бахархошта новкъа хинна из гӏулакх меттадоаладир. Тӏехъювлача машинашта а паргӏата хургья хӏанз, цар деш хинна тата а дӏадаьннад.
