Магӏалбикерча Херсонски урам тӏара асфальт тоабеш боахк болхлой
28.08.2026 09:32
Магӏалбикерча Херсонски оалача ураме, кӏоагаш дӏадукъаш ба арабаьнна болхлой. Асфальта хьал меттадоаладеш, из шаьрагӏа, паргӏатагӏа хургболаш къахьегаш ба шахьаре.
Дикагӏа лоархӏаш бола асфальта маркхал ба цар цига буллаш латтар. Цунга хьежжа, никъ ханахьа ца бохаш, хаоттама духьала чӏоагӏагӏа болаш хургба. «Сердалога» из хоам бера Магӏалбика кхален администрацера.
Цу балха керттера декхар никъ, кхераме боацаш, машинашта, иштта гӏаш леларашта паргӏатагӏа хилийтар да.
Магӏалбикерча хьакимаша, болх дӏахьош латтача юкъа, цу моттиге лоралуш, фийла болаш хилар дех машинашца леларашка.
