75 шу даьннача кхалсага бокъонаш меттаоттайир прокуратуро
75 шу даьннача мехкарча яхархочун бокъонаш меттаоттайир вай мехка прокуратуран болхлоша. Из хоам «Сердалога» бера цу моттигера.
«75 шу даьннача кхалсага ший пенсионни бокъонаш толхаяьй аьнна чуденнача дехарах болх дӏахьош хилар Магасера прокуратура. 2023-ча шера наджгоанцхой бетта Волгоградски областерча Россе пенсионни ганза болхлоша цун пенсе тӏара ийс эзар сом ахча ӏодаьккхад.
Бахьан 1990-ча шергара 1995-ча шерга кхаччалца баьча балха алапех йолча справка тӏа цу хана мехка лаьттача алапе юкъерча боарамал дукхагӏа ахча латташ хилар да, йоах», - дийцар тха газетага. Прокуратуро суде лоткъам чубеннаб, цар леладер харцахьа долга белгалдеш, соцадаь лаьтта ахча юха меттаоттаде, аьнна.
Судо из деррига хьаллаьца, кхалсага пенси меттаоттадайтар, тӏерадаьккха хинна 322 эзар сом хьадала оттабеш.
