ГӏалгӀайчен тӀахьожамхоша новкъостал дир пенсионерка бокъо меттаоттае
Наьсарен кхален прокуратуро тӀахьожама болх дӀабихьар 66 шу даьннача республикан яхархочо, ший пенсионни бокъонаш телхаярах даьча кхайкарала ларах, яхаш, дийцар «Сердало» газетага тӀахьожам баьраша.
«Белгалдир, из кхалсаг, 2007 шера денз, страховой пенси ийдеш я, ший ха яьнна хиларга хьежжа. 2025 шера наджгоанцхой бетта Волгоградски областе гӀолла йолча Российски Федераце страховой пенсе ганзо цун пенси бокъонах ца доагӀаш лохдир 5 эзар сома, цун бахьан дар, цо хьалха болх баьча моттигера алапи нийса хиларах, фонда болхлой цатешар», - йоах хоамо.
Из бахьан долаш, прокуратуре лоткъама дехар чуделар, ше хьалхагӀа хиннача беса пенси меттаоттадар, цул совгӀа соцадаь латтар хьадалар дехаш.
ГӏалгӀай Республикан Наьсарен кхален судо бӀарчча кхоачашдир тӀахьожамо дӀадехар. Из кхоачашдара теркам бергба прокуратуро.
