СВО доакъашхочун бокъонаш меттаоттайир прокуратуран къахьегамхоша
26.02.2026 11:46
СВО доакъашхочо чуденнача дехарах, болх дӏахьош хилар Наьсарен кхален прокуратуре. Из хоам «Сердалога» бера цу моттигера.
«Дӏабихьача тохкамах, 2023-ча шера маьцхали бетта Наьсарерча вай регионерча Россе РОСП УФССП дехар чуденначунгара 138 эзар сомах латта кредит дӏадехаш болх лоаттабаьб. 2024-ча шера оагӏой бетта из ший лоӏаме тӏема операце юкъе дакъа лаца вахаволлашехь, из дӏадехар соцадаьдац», - йоах тхогарча хоамо.
Прокуратуро мехкарча УФССП кулгалхочунца бувзаме яьнна, ӏаьдала бокъонах хила деззача тайпара соцам баьб цу гӏулакха, ма дарра аьлча, кхы СВО доакъашхочунгара хӏама дӏадехаргдоацаш.
