Гӏалгӏайчен Халкъа Гуллами Наьсарен шахьара кхели бувзамаш чӏоагӏдеш я
Гӏалгӏайчен Халкъа Гуллама кулгалхочо Гаьгенаькъан Руслана вӏашагӏкхетар хилар Наьсарен шахьара кхела кулгалхочунца Бохтаранаькъан Ювсапаца. Балха къамаьла чудоагӏаш, законаш хьакхоллача республикан моттига кулгалхочо ший балха новкъост даькъалавийцар шахьара 245 шу дизарца. Гаьгенаькъан Руслана лакха мах оттабир доал деча даькъ тӏа хьадеш латтачунна, проекташ кхоачашъеш, наьха хьашташ тоадеш хилара. Цо иштта белгалдир шахьара кхело, республикан депутаташца законаш хьакхоллара даькъ тӏа цхьана бувзам лелабар пайдане долга.
«Наьсаре доккха дакъа дӏалоацаш я республикан хьалхашка латта декхараш кхоачашдеча даькъ тӏа, белгалдаьккхар цо. Дӏахо шахьар дегӏайоалаяра дола хаттараш а дийцар. Ший аргӏагӏа Бохтаранаькъан Ювсапа баркал аьлар Гаьгенаькъан Руслана, цо шахьара иштта терко лоаттаярах. Дӏахо дийцар шахьара кхела балхах, цун керттерча декхарех, наьха вахара хьалаш тоадара дӏахо де лерхӏачох», - аьлар «Сердало» газетага, Гӏалгӏайчен Халкъа Гуллама зарбан болх лелабераша.
Цар лаьрхӏар дӏахо шоайла бувзам лелабеш, дегӏаахара даькъ тӏара хаттараш цхьана кхоачашде.
