Гӏалгӏайчен Халкъа фронто Сумской оагӏорахьа болча бӏухошта гуманитарни новкъостал дахьитйар
Гӏалгӏайчен бахархоша, республикан паччахьалкхен боахамаша дӏахо гойт шоай барт, цхьоагӏо хилар каст-каста лаьрххӏа йола тӏема операци дӏахьош барашта новкъостал лоаттадеш. Иштта аргӏанара гуманитарни новкъостал дахьийтар Халкъа фронто моттигерча отделене викалаша, республикан хьалхале лелаеча боахамашца цхьана.
«Сердало» газетага, Гӏалгӏайчен халкъа фронте ма аллара, «Халкъа фронт. Деррига Коталон!» яхача йоккхача проекта чуйоагӏаш, Сумской оагӏорахьа тӏема декхараш кхоачашдеш латтача бӏухошта укх заман шиъ автомобильни радио станцеш ийцар. Из лоархӏаме технический мухь эшаш бар бӏухой вахар лорадара, цар тӏема декхараш кхоачашдара. Цох доккха новкъостал хилар республикан боахамаша юкъера бувзам лелабарах, сиха оарцагӏа а баьнна.
Цига дакъа лоацаш хилар президентски болам, республикан керттера паччахьалкхен боахамаш, цар шоай дакъа юкъедера из лоархӏаме декхар кхоачашдеча. Гӏалгӏайче гӏолла йолча Федеральни казначействос Урхаллено елар шиъ лакха пайда бола инверторный генератораш делар, хӏаьта Гӏалгӏайчен Радиотелевизионни бувзам лелабеча центра фронте эшача гӏулакха «Нива» автомобиль ийцар, из цигарча халача наькъашка чӏоагӏа эшаш я.
Цул совгӏа, Гӏалгӏайче гӏолла йолча Къаман банка отделене кийч а даь дӏадахьийтар къайлавоаккхаш дола цхаралаш, иштта моастагӏчун тӏахьожам хургбоацаш йола техника, Россе ФСБ Урхаллено республике гӏолла вӏашагӏтехар талхаш йоаца, дикал йола продукташ.
Гӏалгӏайчен Халкъа фронта викалаша яхачох, цу тайпара барт, цхьоагӏо йолаш; бӏухой хьаллоацаш хиларо хьагойт фронт а тыл а цаӏ хилар.
