Гӏо дехаш бола Шолжа-Шахьарера бахархой теркалбир Къаман фронто
30.01.2026 08:56
Шолжа-Шахьарерча Балайнаькъан, Запальни оала урамаш вӏашкаоттача хин турба ийккха хатар хилар. Лакхе хьатӏадаьннача хиво дӏаваха хала долаш колд оттаяьй цига. Из хьал меттадоаладе аьнна оарц дийхача, бахархошта гӏо де эттар Къаман фронт.
«Цига дӏабахача тха болхлошта бӏаргадайра, из хьал ма хулла сихагӏа меттадоаладе дезарех долга. Асфальт «парх» аьнна бохабаь латт, гобаьккха хин ӏамарч да, ког ӏоловза моттиг йоацаш.
Машинашта юкъегӏолла чакхлелха безача кхаьчаб бахархой, хӏана аьлча гӏашлой никъ цига бац. Шолжа-Шахьарерча администрацеца бувзаме даьнна дийцад оаха из гӏулакх», - аьлар «Сердалога» Къаман фронте.
