Россе байракха Денна хетаяь яхьаш дӏайихьар мехкарча Къаман фронто
РФ Паччахьалкхен байракха Ди дездеш, мехкарча Къаман фронта доакъашхоша «Къона мехкагӏонча» яхача берий лагере, асфальта тӏа сурташ дехкарах йола кхоллама оагӏонцара яхьаш дӏакхайкайир. Исбахьален болама керттера тема Российски байракхаца ювзаенна яр. «Бесаш долча мелашца арабаьнна, лагера доазон тӏа, геттара чам чубенна, къахьега болабелар къонабараш. Кӏай-сийна-цӏе бесаш долча боккхача мехка – Россе байракха сурт дуллаш дар бераш асфальта тӏа.
Даьхенца ювзаенна мел йола уйлаш шоай балхашка гӏолла гойта ловш дар бераш: беркате, машаре сигале, доттагӏал, цхьоагӏо, денал хилар, Россе йӏаьхий йола культура, истори», - дийцар «Сердалога» яхьаш дӏахьош хиннараша.
Белгалде деза, иштта йолча кхетаченаша къонабарашта пайда белга, Даьхенцара лерхӏам, безам чӏоагӏбелга. Боккхача мехках доаккхал деш, дог ураэтта дар бераш цу дийнахьа.
Итташ доакъашхой гулбир кхоллама оагӏонцарча боламо, хӏаьта «Къона мехкагӏонча» яхача лагера коара асфальт тайп-тайпарча бесашца даьхкача байракха сурташца сийрдабаьлар.
