Баьццаръерзаяь Наьсаре хозагӏа хургья
25.02.2026 13:44
Бӏаьстан денош хьаотта дукха ха йисаяц, цунга хьежжа керда гаьнаш, кӏотаргаш дӏайогӏаш, Наьсаре баьццаръерзаеш болча балхага кийчо еш ба тахан.
«Дӏадахача шерацара йиса йокъаенна баьцаш дӏайоахаш, зизашца, гаьнашца, кӏотаргашца тоаергйола моттигаш кийчъеш боахк даггара. Гаьнаш ханнахьа дӏаювргйолаш, деррига кийча хила деза хьалххе», - йоах тхогарча хоамо.
2026-ча шера дукха тайп-тайпара балхаш дӏахьош, шахьара куц тоаде лерхӏ. Бахархой бӏарг хьоасташ сурт хургда цох, беррига болх чакхбаьккха баьлча.
