«Къахьегама сийлен шахьар» яха цӏи яла могае тарлу Наьсаре
17.12.2025 10:00
«Къахьегама сийлен шахьар» яха цӏи яла безам болаш ба Наьсаренна республикера хьакимаш. Из хоам «Сердалога» бир мехкарча паччахьалкхено.
«Цу гӏулакха эшаш мел дола каьхаташ кийчдеш ба карарча хана. Вай мехкадас Келаматанаькъан Махьмуд-ӏаьлас тӏадилла, тӏема ханашка наьсархой къахьегама оагӏонцара турпалаш хинна лаьтталга белгалдеш дола каьхаташ гулдеш ба иштта. Къаьстта лоархӏаме да 1941-1945-ча шерашка цу моттигерча хьоар доаккхача комбината балхаца дувзаденна каьхаташ», - йоах тхога бенача хоамо.
ӏилма-тохкама институте, шахьара мэре болхлоша, ӏилманхоша дӏайихьача кхетаче дийцар цох лаьца. Исторецара каьхаташ дерригаш кийчдаь даьлча, цу оагӏонцарча федеральни моттиге дӏадохьийтаргда уж из цӏи вай шахьара ялар къоастаде.
