Наьсарен КСВО штабо экономикан, бокъон Институте кхетаче дӀайихьар
ГӏалгӀайче кхетаченаш дӀахьош я, Даьхен бӀухой дезала Комитета балхах дувцаш. Укх наькъа из къамаьл хилар Наьсарен экономикан, бокъон Институте. Кхетаче хетаяь яр Халкъашта юкъерча театра денна, вӀашагӀделладар «герга истол», «Театр, культура - исторе вахара институт санна» яхача темах.
«Укх деношка, театра кхолламга хьожаш хиннача вуза студенташа, цхьан юкъа книжкашта меттел, театра критикий блокноташ бедехкар. Из къамаьл дӀадихьар дийна а цӏенхашта а долаш. Бераша къоастайир сюжеташ, актёрий ловзар, иштта режиссерий хаттараш, исторически пьеса текст, кхыметтел технически спецэффекташ. Доакъашхоша лаьрхӀар, театр - кхетам балара йоккха оагӀув я, иштта моллагӀа волча сага лоархӀаме вахара дакъа да», - аьлар «Сердало» газетага из кхетаче вӀашагӀъеллараша.
ШоллагӀча даькъе къамаьл хетадаьдар Даьхен бӀухой дезала Комитета балха.
КСВО викалаша дийцар студенташта, шоаш новкъостал мишта ду СВО доакъашхошта, цар гаргарча наха. Кертте лаьттар дар лоархӀаме: моллагӀча ханашка культуро вӀашагӀтох, хӀаьта воайла хьаллоацаш хиларо вай чӀоагӀду.
