Москверча массазарча викала Кубок къайсача, жӏакаех котбаьннараш хьакхайкабир
РФ Президента чуйоагӏача Гӏалгӏай Республикан массазара викал вагӏача моттиге аьтинга бетта 5-ча дийнахьа жӏакаех яхь дӏайихьар, из хетаяь яр Гӏалгӏайче хьакхелла Ди дездара, яхаш, хоам бу «Сердало» газетага республикан министрий кабинета зарбан болх лелабераша.
«Яхь дӏайихьар жӏакаех ловзара сихача кепара – рапид оалача хьисапе»,- аьлар хоамо.
Спортивни а хьаькъале а кхетаче дӏаяхьара керттера бахьан дар, тайп-тайпарча моттигашкара студенташ вӏашагӏтохар, цар начӏал довзар.
Жӏакех ловзаш хилар тайп-тайпара ханаш яьнна, къаман культуран цхьанкхетара викалаш, иштта Москвера вай мехкахой. Ловзаш хиннараша гойтар шоаш дика кхеташ, керда говзал ӏомаяь хилар.
Тахан бовзаш ба цу яхьашка котбаьннараш. Хьалхара моттиг яьккхар Баркина Алинас, шоллагӏа моттиг – Пхьошанаькъан Або-Бакара, кхоалагӏа моттиг – Колой Микаила.
Котбаьннарашта ГӏР массазарча викала Кубок, дипломаш, дагалоаттама совгӏаташ делар.
Хӏара жӏакай бӏало нах ӏомабу нийса уйла е, хьала нийса мах бе, дӏахо де дезар ший аргӏагӏа хилийта. Хӏара яхь дӏа мел хьоча хана, цо бицлургбоаца салоӏам бу цу юкъе дакъа лоацаш хиннарашта.
