Гӏалгӏайчен мехкдаьттхоша Магӏалбик лораеш лаьттарий сийленгаш тоадир
«Ингушнефть» АО тоабо лоархӏаме дакъа лаьцар исторически дагалоаттам лорабара. Хӏара шера дӏахьош йолча дика гӏулакх дара программанна чудоагӏаш, Сийлахь-йоккхача Коталон 81-гӏа шу хилара хетадаь, мехкдаьтта доаккхараш Магӏалбик лораеш бейнача турпалхошта дегӏа сийленгаш тоадеш хилар. Магӏалбика лаьтта дукха Даьхен бӏухой цӏий ӏодахар, цудухьа сийленгаш дола моттигаш дика лелаяр
Сийлахь-боккха Даьймехка тӏом болаш моастагӏчун духьалъэтта шоай са ӏодуллаш лаьттача салтий сийдар да.
«Карарча шера, мехкдаьтта доаккхараш 337-гӏа стрелкови бӏуна оттадаь сийленг долча моттиге, иштта исторически мехкдаьтта вышка йолча, лостам беш хилар. Уж я бейна бӏухой дӏабехка боахка моттиг; Магӏалбика къахьегама, турпала сийлен белгало.
Сийленгаш кердадахарал совгӏа, гонахьара доазув а цӏендир. «Ингушнефть» АО кулгалхошта уж балхаш вахара бехктокхам хинна ӏац, из дег чура цар оала баркал да, Даьхен бӏухошта маьрша кхоане хьакхолларах», - аьлар «Сердало» газетага тӏема сийлен шахьара Магӏалбика администраце.
Сийленгаш, вошала кашамаш - уж кхертӏой е аьшка гӏирсаш хинна ӏац. Цар тешал ду денал, майрал гойташ цига латаш вай бӏухой хилара, цар котало гаргайоалаеча доккха дакъа дӏалаьца хилара. Уж сийленгаш лорадеш хиларца вай дӏагойт Сийлахь-боккхача тӏема Коталон бакъдар хувцалургдоацилга. Из, цу тӏем тӏара цӏа ца боагӏаш бисарашта, дӏахо вайца бахаш болча наха хьалхашкара вай декхар да.
