Маьтсела бетта цӏайш долаш, лораша болх мишта бу белгалдир
Гӏалгӏай Республикан унахцӏенон министерствос хоам бу моттигерча бахархошка, маьтсела бетта цӏайш долаш лораша болх беш дола денош белгалдеш – 2026 шера 1-ча денгара 3-ча денга кхаччалцеи, 9-ча денгара 11-ча денга кхаччалцеи, аьлар «Сердало» газетага цу боахаме.
«Лаьрхӏача хана болх беш бола къаьстта бола лораш амбулаторешка, поликлиникашка; цу юкъе берий поликлиникаш, кхалнаьха консультуцеш а йолаш; болх беш хургба 08:00 даьлча денз 16:00 сахьат даллалца», - аьлар хоамо.
Лоархӏаме да, царгий лора, сихача лорий новкъостала кабинеташ хӏара денна болх беш хилар 08:00 даьлча денз 20:00 сахьат даллалца. Вайна дика ховш да, царг лазар ла хала долга, царгашта хац балха ди да е дац».
Дарбанчей унахой тӏаэцара моттигаш, човнаш яьрашта лаьрхӏа йола пункташ, иштта сихача лорий новкъостала станцеш болх беш хургья, деррига эшаш дола новкъостал наха лоаттадеш.
Иштта, Гӏалгӏайчен бахархошка дех хьалххе а лорашка бахар, нагахьа санна цар новкъостал эшаш моттиг яле.
«Могаш хилда шо; ираз, аьттув хилба шун. Лорале шоаш а, шоай гаргара нах а лорабе!» - аьлар боахаме.
