СВО доакъашхой, цар дезалий оагӏув хьаллоацаш; болх ба дӏахьош
Республикерча унахцӏенон гӏулакхех йолча Министерствос ший телеграм-оагӏонга гӏолла хоам бу; СВО доакъашхошта, цар цӏагӏарча наха психологически оагӏонцара лорашкара гӏо лоаттаделгах. Хала денош бӏаргадайнача, дега човхам хиннача наха чӏоагӏа лоархӏаме болх ба из.
«Ханнахьа гӏо деш хилча, халача хьалера ма хулла сихагӏа аравала аьттув хул сага. 2024-ча шерарча ахкан шоллагӏча бетта денз, болх дӏахьош я СВО доакъашхошта, цар дезалашта гӏо деш йола федеральни телеграмм-чат : https://t.me/+ NlCAoӏZghk2OTNӏ», - дийцар тха газетага.
Боккхача мехкарча моллагӏча сага цу оагӏонцара гӏо деха йиш йолаш моттиг я из. Къувлаш долча дерригача хаттарашта жоп луш, уж доашхаш хургбараш ба лакха говзал йола лораш-психологаш. Белгалде деза, цхьан шераи ах шераи цига венар 18 800 саг волга, 22 000 совгӏа сага хаттараш да техкараш.
Вай мехка цу наха массайолча оагӏорахьара гӏо лоаттаде хьож. Даьла духьа гӏо деш лелараш, ӏаьдала болхлой ба цу юкъе. СВО доакъашхошта, цар дезалашта эшар, дезар лоаттадеш хиларал совгӏа, цар дог хьастар, геттара хала долча хана дог тедеш, царца цхьана из гӏайгӏа екъаш хилар а геттара лоархӏаме да.
