Лаьттан доазош къоастадаь хила дезилга хьалхадоаккх бахархошта
Доалахьарча лаьттан доазош бокъонца боаггӏача боараме къоастадаь хила дезилга хьалхадоаккх мехкахошта. Наьсарен кхален моттигашкарча бахархошка дийцар, из болх лерттӏа чакхбаккха безилга.
«Хана йӏоахалца цхьацца кхоачамбоацараш, цатомаш хургдоацаш, реестра гӏалаташ тоадеш шоай доалахьара лаьтташ хила деззача тайпара каьхаташца чӏоагӏдар лоархӏаме долга белгалдир мехка. Кадастрови инженерага гӏолла дӏабахьа беза из болх», - йоах тхога бенача хоамо.
Лаьттанцарча Цаӏ йолча паччахьалкхен реестраца нийсденна гӏалаташ тоадеш, меттадоаладеш хургда из гӏулакх. Цул совгӏа, тӏехьа тӏайоагӏача хана лоалахошца, кхыбарашца къовсамаш, цатоамаш хургдоацаш а, чӏоагӏа лоархӏаме да из. Ший доалахьара хӏама бокъоно дӏадеххача тайпара чӏоагӏдаь, лорадеш хила веза саг.
