Магаса моттигаш тоаяра тӏехьа дакъа лоацаш ба бахархой
Юкъарлон оагӏонцарча Кхело укх шерара хьалхара кхетаче дӏайихьар, Магаса мэр волча. Из хоам «Сердалога» бир цу моттигера. Цига дийцар шахьара моттигаш тоаярах, берашта къоастадаьча доазоний куц эргадаккхарах, иштта кхыдарех.
«Эсамарзанаькъан ӏалаудина кулгал деш, дӏайихьача кхетаче белгалдир, шахьарерча ковний, бераш ловзача моттигий хьал меттадоаладеш къахьега дезилга», - йоах тхога бенача хоамо.
Магасерча администрацеца бувзам лоаттабеш бола оагӏув ба из. Бахархошца бувзаме волаш, царна фу хет тохкаш, чакхбаккха безаш лоархӏаме болх ба из. Гулбеннарашта юкъе бар мэре архитектураца, иштта цу оагӏонца дувзаденнарех бола къахьегамхой, МКУ «Зеленхоза» кулгалхо.
Кхоачамбоацараш гуш долча урамий сурташ дӏахьекхар царга. Администрацеца бувзам болаш, тоаде дезарех да уж гӏулакхаш.
