Наьсарерча ИВС боахкача наьха хьал тохкаш хилар юкъарлон оагӏонцара болхлой, полици
Наьсарерча ИВС хьал тахка арабаьлар тахан «Бахархой тохкам» яхача проектага гӏолла. ИВС гӏулакхаш малагӏча боараме латт хьожаш хиннарашца вар Россе вай мехкарча МВД Юкъарча Кхела хьалха латта Гаданаькъан Муса; полице подполковник, мехкарча МВД цу оагӏон кулгал ду Серых Михаил. Ерригача Россе цу оагӏонцарча гӏулакхех болча боламга гӏолла дӏахьош болх ба из.
«Гаданаькъан Мусас техкар лийца боахкача наьха гӏулакхаш миштад, царга хьажар, кхача лоаттабар, унахцӏенон терко яр, иштта кхыдарашца дувзаденнараш малагӏча боараме латт. Цу чу боахкача нахаца къамаьл хилар цун, цар бокъонаш лораяр мишта латт хьожаш», - дийцар «Сердалога» МВД зарбан болх лелабераша.
Дӏабихьача тохкама балхо хьагойтр, ИВС боахкача наьха гӏулакхаш тахан федеральни бокъоно хьаоттадаьча тайпара лорадеш долга, ма дарра аьлча, доккхий кхоачамбоацараш долаш хӏама дацар цига.
