МВД чуйоагӏача юкъарлон кхело Эккажкъонгий-Юрта нах вӏашагӏтехар
Гӏалгӏайчен чурча гӏулакхий Министерствонна чуйоагӏача Юкъарлон кхело Эккажкъонгий-Юрта нахаца кхетаче дӏайихьар, яхаш, дийцар «Сердало» газетага Наьсарен- Шахьара администраце.
«Бокъонаш лораерий, моттигерча бахархой аргӏанара кхетаче йолаш дийцар, къаьстта кхувш боагӏарашта юкъе, наркотикашца къовсам лоаттабара болх чӏоагӏбе безарах, наькъа бокъонаш лелаяра хьалах, бокъо йоацаш герз леладарах. Бокъонаш лораераша бахархой тӏахьийхар уж хаттараш кхоачашдеча дакъа лаца, аьнна.
Госавтоинспекце хьалхадаьккхар наькъашка тӏахьожам лоаттабара хьал чӏоагӏде дезаш хилар, тӏехьара тӏа чоалханеча моттигашка камераш оттае могадир. Герз леладарах дийцар, из гӏулакх бехктокхаме долга а довзийтар гулбеннарашта, цига белгалдир чурча гӏулакхий мугӏарашка нах балха дӏаийбеш хилар», - аьлар хоамо.
Кхален администраце болхлоша яхачох, цар даим бахархошца, бокъонаш лораерашца цхьана бувзам лелабу.
