Илдарха-Гӏалий тӏа полице болхлочоа машин тӏатехар Махачкале хьалаьцар
Махачкалерча аэропорте хьалаьцар, Илдарха-Гӏалан 31 шу даьнна вахархо, из бехкеву полице болхлочун машина тӏатохарах. Тохкам дӏабихьар Илдарха-Гӏалий тӏагӏолла йолча Россе ОМВД, иштта Гӏалгӏайче гӏолла йолча МВД ОСБ ОРЧ болхлоша ардара бетта 5-ча дийнахьа.
Тохкама болх лелабечо яхачох, 2026 шера бекарга бетта 2-ча дийнахьа, бокъонах ца доагӏаш наркотикаш, герз леладар хьал тохкаш хиннача полицейскеша теркалйир Илдарха-Гӏалан Промыслови урамах сеца латта машин. Водителга машина каьхаташ хьагойта аьлар. Цул тӏехьагӏа, водитела, цхьан полице болхлочунна тӏа а тохаш, машина дӏаэккхийтар. Полице болхлочун дегӏа човнаш йир.
Из саг паччахьалкхенашта юкъерча, иштта федеральни оагӏонца лохаш вар. Судо из тӏавоацаш бола бехк бир цунна РФ УК 1 д. 318 ст. Из хьа а лаьца Гӏалгӏайче гӏолла йолча Россе СК Тохкама урхаллен Илдарха-Гӏалан лоткъам эцача даькъе хьалвоалавир. Цунца дӏахьош ба лоткъам эцара болх. Из гӏулакх дӏахо тохкаш да.
