Гӏалгӏайчен ОФСИНо хьаллаьцар Халкъа фронта «Деррига - Коталонна!» яха новкъостал дар
Гӏалгӏайче гӏолла йолча Россе ОФСИНа болхлоша хьаллаьцар Халкъа фронта «Деррига - Коталонна!» яха болам. Цар сиха теркалдир из кхайкарал, гулдир дӏадахьийта хӏаман-технически новкъостал, из накъадаргда бӏухошта, шоай тӏема декхараш кхоачашдеча, яхаш, дийцар «Сердало» газетага Халкъа фронто.
Гуманитарни новкъостал дара чудоагӏаш дар: тӏабувхаду дӏайха барзкъа, бувзама, лакха технологи йола гӏирс, лаьрххӏа наб яра дола галеш, - уж шийлача ханашка ца хилча даргдоацаш да, цар тӏоадал чакхъялийтац, сотови хоам чӏоагӏагӏа хьахайт, ший командованеца даим бувзаме а хул уж. Иштта яхьийтар «Булат» БПЛА V4 детектор - из я тӏеххьара яьнна квадрокоптер, цо таро лу, моастагӏчун дрон йоагӏача хана хоам беш из хиларах, сага вахар кӏалхардаккха.
Президента болама викалаша яхачох, цу хӏара новкъостала тӏехьа латт лоархӏаме дола декхар - шийлача хана вӏохвалар, даим бувзаме хилар, ший ханнахьа кхераме хьал гучадаккхар.
Лоархӏаме да цу тайпара новкъостал лоаттадар, цу даькъ тӏа латтача вай бӏухошта шоаш цхьаь боацилга дӏахайтар.
