Олимпийски чемпионий къамаьл хилар Гӏалгӏайчен дешархошца
Тайп-тайпарча шерашка Олимпийски чемпион яха котало яьккхарий къамаьл хилар Гӏалгӏайчен дешархошца, из чудоагӏар «Никъ барал дукхагӏа» яхача Российски кагирхой программацарча «Хар. Безам. Доаккхал дар!» оалача проекта.
Магасерча кагирхой цхьанкхетарий Цӏагӏа гулбелар цӏихеза нах, уж бар вай ханара турпалхой. Хьаьший болаш столице баьхкар 2008 шера эллиной-румий латара олимпийски чемпион Манкенаькъан Назир, 2024 шера олимпийски чемпион Джамалов Разамбик, Гӏалгӏай Республикан спорта министр Белхарой Руслан, «Бералла наькъаш» яха моттигера проект лелаю Колой Саӏид.
Къамаьл хетадир спортивни даькъ тӏа дегӏавара, оамала, юкъарлон хьалхашка бехктокхаме хилара. Иштта гулбеннараша дийцар къаман мах бараш лорадарах, Даьхенцара безам совбаккхарах», - аьлар ГӏР кагирхой гӏулакхех йолча Комитете.
Кхувш йоагӏа тӏехье мишта хила еза дувцаш; белгалдир спорт, дешар, культура, юкъарлон болх лелабеш хиларо ший мохк халкъашта юкъерча боараме лоаттабе низ луш хиларах.
«Хар. Безам. Доаккхал дар!» яхача проекта вӏашагӏтох берригача мехкара кагирхой, доакъашхошта довзийт истори, культура, Россена карагӏдаьннар», - аьлар тхоца къамаьл даьчо.
