Ченна хула лазар
Лора-инфекциониста Овшанаькъан Мухьаммада дийцар, ше интервью луш, чурашта хулаш дола лазар юхатохарах.
Берий даьшта лора дийцар, мел лоархӀаме да из лазар ца кхетийташ лоравалар. Цо белгалдир шера керте ший ханнахьа хулаш дола лазараш хӀана хул.
Чурашта хулаш дола лазар боккъонца шера ший белггала йолча хана хулаш да.
БӀаьсти, ахка - из эггара чӀоагӀагӀа лоравала веза ха я. Из дувзаденна да, йӀайхача хана, ахкан замах керда хьадаьнна баьцадаараш, сомаш, наха дукхагӀа дуаш хиларца; иштта молаш дола хий кӀедж яккханза хиларца; хӀаьта продукташ (къаьстта дулх, шура, чкъаьра) ж сихагӀа талхаш хул йӀовхалах. Цул совгӀа, аьхки мозий дукхагӀа хул - цар а лазар дӀа-юха кхухь. Къаьстта цу хана каст-каста дукхагӀа хул сальмонеллез, че коачъялар яха, кхыдола бактереш хьоаю лазараш.
Гурахьа, Ӏай дукхагӀа хул вирусни, шергий инфекцеш. Цу хана наха дукхагӀа ха йоакх гӀишлошка, из бахьан долаш лазараш сихагӀа дӀа-юха дарж. Дицде йиш яц, бӀарчча шера а хила тарлу инфекцеш, бакъда уж хилара таро а, уж хьахьоадеш дола бахьанаш а шера йоагӀача белггаларча замангара да. Къаьстта лазар кхетара тӀера да бераш, имунитет йоацараш, иштта шоай дегӀаца цӀено цалелаераш.
