Парламента бекарга бетта хургйолча кхетачен керттера хаттараш дийцар
Белгалдир Гӏалгӏай Республикан Халкъа Гулламо бекарга бетта дӏахьоргйолча кхетачене дувцаргдола керттера дешаш, яхаш, дийцар «Сердало» газетага ГӏР Парламенте.
«Парламента Зӏамагӏча зале аргӏанара ГӏР Халкъа Гуллама Кхела кхетаче хилар, Тӏумхой Мухьмада кулгал деш.
Цига дийцар ГӏР Халкъа Гулламо тахка оттадаьча республикан законах, законий проектех.
Йоккхача кхетачен керттера хаттар - Гӏалгӏай Республикан Кулгалхочо, Гӏалгӏай Республикан Паччахьалкхено 2025 шера баьча балхах йола хӏара шерара отчет»,- аьлар хоамо.
Депутаташ хьежар шоай болх дӏахьош кердача закона проектага «ГӏР закона юкъе хувцамаш дахарах». Цар дийцар ЗРИ «Гӏалгӏай Республикан Закона 1 йола статья хувцар юкъедоаладарах «Организаце доалахьарчох йоал яккхар», из болх дӏахьош ба бюджетах йоалча комитете.
Цар теркама юкъе хургья вахара новкъостала, заӏапхошта ӏалашо яра, балха моттиг ялара йола законопроекташ.
Иштта дувца оттадаьд, ГӏР Адвокатски палата квалификационни комиссе, ГӏР Халкъа Гуллама викалаш харжара хаттар, республикан Халкъа Гуллама соцама проекташ тӏаэцар.
