Гӏалгӏайчен ОСФРо бувзам лелабергба «Даьхен лорабой» ганзаца
Укх деношка Гӏалгӏай Республике гӏолла йолча Россе Вахара ганза кулгалхочо Йовлой Зубейра, иштта «Даьхен лорабой» ганза моттигерча филиало цхьана дӏайихьар кхетаче, цига дийцар дӏахо дӏабахьа безача балхах.
«Кхетаче дувца оттадаь хаттараш дар лаьрххӏача тӏема операце доакъашхошта новкъостал дар, цу юкъе санаторно-курортни дарба дара лорий гӏо дар. Йовлой Зубейра белгалдир, бӏухошта, цар дезалашта массайолча оагӏорахьара новкъостал дар, из паччахьалкхен политикан керттера хаттар да.
Гӏалгӏай Республике гӏолла йолча СФР даькъо лаьрххӏа йола терко тӏайохийт цу наха эшаш дола хьалаш ӏалашдара. Ший аргӏагӏа Оздой Муслима белгалдир, СФР даькъаца цхьана бувзам лелабаро таро лу сиха эшаш дола новкъостал дӏакхачийта, цу юкъе «Даьхен лорабой» ганза чудоагӏаш дар а долаш», - аьлар хоамо.
«Оаха болх бу хӏара дезалца, СВО доакъашхошца, царна эшаш дола гӏо лоаттадара бола хоам а ӏалашбу. Тха боахама, иштта «Даьхен лорабой ганза керттерча хаттарех цаӏ да СВО бӏухошта, цар дезалашта эшар лоаттадар», - аьлар ГӏР гӏолла йолча ОСФР кулгалхочо.
