Лаьца воалла ГӏалгӀайчен вахархо лоалахарча мехка хьавоалавергва
ГӏалгӀайчен сага бокъонех волча викалгара новкъостал дехаш, кхайкарал дир моттигерча яхархочо, цун фусам-да карарча хана Марий Эл лаьца воалл. Цо белгалду, ахчанца халонаш хилар, из бахьан долаш цун тӀехьааха таро хургьяц, нагахьа санна суд яьчул тӏехьагӏа из кхыча, гаьнарча моттиге дӏавугаш хуле. Цо дех ший фусам-да гаргагӀа хилийтар цӀенна а гаргарча наха а.
«Викало лаьрххӀа дола каьхат дӀадахьийтар Россе ФСИН. Из хаттар бокъолгахьа даьккхар. Суда лаьрхӀача кхела низ чубенначул тӀехьагӀа из Нохчий Республике гӀолла йолча Россе УФСИН урхаллене хьавоалавергва, ший дезала гаргагӏа хургволаш», - аьлар «Сердало» газетага ГӀР УПЧ хоамий даькъ тӀа.
ГӏалгӀайчен сага бокъоний викала балха тӏа из хьалхара нийслуш дац. Лаьца воалла саг ший гаргарча наха юхе хилар дехаш, дукха ух из волча.
Моттигера бокъонаш лораеш, викала даим Федеральни болхлошца цхьана из болх дӀахьу. Иштта цхьана бувзам болаш болх беш хиларах, дуккхаза таро хилар гаьна лаьца боахка вай мехкахой СКФО моттигашка хьа боалабайта.
