Лаьца воаллача Гӏалгӏайчен вахархочун бокъо я ший дезала гаьна воацаш хила
Гӏалгӏайчен сага бокъонех волча викала балха фусаме дехар дахьаш ера моттигера яхархо, цун воӏ лаьца воалл республикан лоткъама набахта, кхычахьа ха такха дӏахьожавара хоадамга хьежаш ва из. Кхалсага белгалдир, ахчанцара кхоачам цахилар бахьан долаш, из а е цӏагӏара саг а цун тӏехьаваха таро йолаш вац, нагахьа санна из мехка гаьнарча моттиге дӏахьожавойя.
ГӏР УПЧ хоамий-аналитически даькъо «Сердало» газетага ма аллара, республикан сага бокъонех волча викало цу деша терко тӏаяхийтар, из лаьрххӏа дола дехар дӏадахьийтар баь бехк кхоачашбеш долча Федеральни гӏулакхе, цу дезалера хьал теркалдар дехаш. Дехар дика тӏехьале йолаш хилар.Суда яь яьлча, из саг Ставропола мехка тоа валара набахта дӏахьожавергва.
Гӏалгӏайче гӏолла вола сага бокъонаш лораяра викал оарцагӏваларах, цӏенна гаьна воацаш хила таро я лаьца воаллача сага. Гаргара нах цунна тӏехьааха йиш йолаш ба, шоайла дезала бувзамаш леладеш, Россе гаьнарча моттигашка ухаш шоай ха а ахча а ца доадеш.
