Пятигорскерча санаторе дарба де ваха аьттув хилар, СВО доакъашхочун даь
«Даьхен лорабой» яхача ганза болхлоша Пятигорскерча санаторе дегӏа могашал меттаоттае ваха аьттув баьккхар, бӏухочун Хазанаькъан Адама даь.
«Ший даьна дегӏа хьал метталоттаде гӏо де хьажа, аьнна, дехар дир ганза болхлошка СВО доакъашхочо. «Даьхен лорабой» яхача ганза республикерча филиала болхло Беканаькъан Мадина оарцагӏъяьлар цу гӏулакха.
«Пятигорскера клиника ФМБА» яхача санаторен-курорта моттиге салаӏа, дарба де ваха йиш йолаш ва тахан бӏухочун да. Каьхаташ гулдеш, деррига вӏштӏехьадоаккхаш кхийстар филиала къахьегамхой», - йоах тхога бенача хоамо.
«Ветеранашта, цар цӏагӏарча наха гӏо деш хилар лоархӏамеча декхарех да тахан. Царгара тӏадена моллагӏа хаттар тахка, йоагӏаш йола терко е хьож тхо, низ дӏа ма кхоачча»,- белгалдир Беканаькъан Мадинас.
