СВО веннача доакъашхочун даьна новкъостал дир, арахьа дӀаваха дарба де
«Даьхен лорабой» ганза гӀалгӀай филиало новкъостал дир ЛаьрххӀа йола тӀема операци дӀахьош веннача бӀухочун даьна Тиймарзанаькъан Ахьмада, республикал арахьа дӀаваха дарба де.
«Санаторно-курорта дарба дара вахара гӏулакхашка хьожачо цун каьхаташ гулдир, из ше вахача моттигерча амбулаторе дӀахьожавир лорашка чакхвала, эшаш йола справкаш яха. Цул совгӀа, ганза новкъостал дир Россе турпалхочун даьна, Пятигорскерча клинике - Россе СКФНКЦ ФМБА ФГБУ филиале дарба де ваха», - аьлар тха газетага.
Белгалду, эскаре а цул тӀехьагӀа контрактах а тӏема гӏулакх дӀадихьачул тӀехьагӀа, Тиймарзанаькъан Хьасана дукха болх бир Илдарха-Гӏалий тӀагӀолла йолча МВД ОМОНе, Къаман гварде эскарашка. 2023 шера из хилар ГӏалгӀай Республике гӀолла йолча «Беркут-Юг отряда командир. Шийна уллув латтача бӀухошта нийсса СВО тӀема декхараш кхоачашдеш вар из. Шозза Денала Орден яха паччахьалкхен совгӀаташ делар цунна ЛНР, ДНР, иштта Украина доазон тӀа. Из иштта дакъа лоацаш хилар Запорожски АЭС мукъайоаккхаш. Тиймарзанаькъан Хьасан велар, ший тӀема новкъост кӏалхарвоаккхача хана.
